<?xml version="1.0" encoding="UTF-8"?><song><hymn_number>77</hymn_number>
<lyrics>[V1]
 Пурысь инбамысь мон ыштӥ шундыез,
 Ӧвӧл ни сюлмам табере югытэз.
 Ветлӥ дуннетӥ, шундыме утчаса,
 Бертӥ нош дорам, лулыным бӧрдыса.

[C1]
   Я, кытчы, я, кытчы, ышид шундые,
   Я, малы, я, малы, кельтӥд тон монэ?
   Одӥг шаерысь но ӧй шедьты тонэ,
   Тонэ, Яратонэ но Муспотонэ!

[V2]
 Тынад синъёсад мон учки, дуное,
 Отысь мон адӟи юг пиштӥсь шундыме.
 Оло, синъёсы, бӧрдыса мальдӥзы,
 Оло вужерез соос шунды кожазы.

[C2]
   Адӟи мон, адӟи мон яркыт шундыме,
   Номырин уд пӧя мӧзмем сюлэмме.
   Шедьтӥ мон, шедьтӥ мон ыштэм шудбурме,
   Каньыл мылкыдэн тырмытӥ лулпушме.

[V3]
 Тынад киосыд нош мынам киосам,
 Тынад синъёсыд нош мынам синъесам.
 Ӝутском выллане ми чагыр инбаме,
 Отын шундымы ни кисьтэ югытся!

[C3]
   Тынад сюлэмыд нош мынам сюлэмам,
   Со кык сюлэмъёс Инмарлэн сюлэмаз.
   Ӧвӧл ни мӧзмон но ӧвӧл ни бӧрдон,
   Сюлмын Инмарен герӟаськем Яратон!</lyrics>
<title>Пурысь инбамысь мон ыштӥ шундыез МС77</title>
</song>